د حمزة بن عبدالمطلب رضی الله عنه مسلمانیدل

په دې توره تیاره ماښام کې چې د ظلم او تیري وریځې هرې خوا ته خپرې وې یوې بریښنا پړک وکړ او د بې وسو او ناتوانو خلکو تیاره لیار یې روښانه کړه ، دا روڼ سهار د عبدالمطلب د زوي حمزة رضي الله عنه مسلمانیدل وو نومړي د نبوت په شپږم کال په اخرنۍ برخه کې غالبا د ذوالحجې میاشت کې مسلمان شو.

د مسلمانیدو کیسه یې داسې وه چې ابوجهل یوه ورځ د رسول الله صلي الله علیه وسلم خوا ته هغه وخت ورغي چې نبي صلي الله علیه وسلم د صفا غونډۍ سره ناست وو ویې ربړولو او ټیل را ټیل یې واهه نبي صلي الله علیه وسلم هر څه وزغمل هیڅ ځواب یې ورنه کړ بیا یې په سر په ډبره وواهه ، مبارک سر یې زخمی او وینې ترې روانې شوې، بیا ابوجهل د قریشو غونډې ته چې د کعبې تر څنګ ناست وو ورغي.

د عبد الله بن جدعان یوې ونځې چې د صفا غونډۍ د پاسه له خپل کور څخه دا ژړوونکې صحنه لیدلې وه کله چې حمزه له ښکار څخه چې د ښکار لینده یې په لاس کې وه راغي ، نو وینځې ورته د ابوجهل د ظلم او تیري کیسه وکړه ،حمزه چې د قریشو تر ټولو زړور پیاوړي او قوي ځوان وو د خپل وراره له وهلو خورا په قهر او ملا یې وتړله چې همدا اوس پورته او په ابو جهل برید وکړي ،همغه وو چې منډه یې واخیسته او جومات ته ولاړ او د ابوجهل دسر سره ودرید او ورته یې وویل : اي  ډارنه ته یې چې زما وراره ته بد رد وایې او له دې خبر نه یې چې ما یې دین منلي دي ؟ او بیا یې پرې د لیندۍ وار وکړ او ډیر بد یې زخمی کړ هغه و چې د بنې مخزوم ځینو ځوانانو غږ کړ چې الۍ ابوجهل یې وواهه او د بني هاشمو ځینو ځوانانو غږ کړ چې الۍ دحمزة ملاتړ وکړي همدا زور او زوږ وو چې ابوجهل وویل چې ابوعماره پریږدئ باک یې نه شته ځکه ما یې وراره ډیر کنځلي وو.

دحضرت حمزة رضي الله عنه د اسلام منلو دعوه لومړي ځل له دې کبله وه چې د خپل وراره سپکاوۍ یې نه شو زغملاي ، خوبیا یې الله جل جلا له سینه پراخه د اسلام په کړئ یې منګولې ښخې او مسلمانان پرې خورا زیات پیاوړي شول .

آن لاين اسلامې لارښود – سيرت نبي صلی الله عليه وسلم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: