د واده د لومړۍ شپې آداب (آداب الزفاف )

سلامونه او نیکی هیلی می ومنی:

زما پوښتنه د واده د لومړی شپی په هکله ده.

محترمو د آن لاين اسلامې لارښود چلونکو !

زمونږ په افغانی ټولنه کی ډیر داسی کسان شته چی د شرم او حیا له وجهی د شریعت له احکامو بی خبره پاته وی،دوی نشی کولای چی د اسلام په چوکاټ کی هر ډول خبری مطرح کړی په داسی حال کی د یوه مسلمان په حیث باید د ژوند په ټولو چارو کی د اسلامی احکامو څخه خبر وی……

دا دی زه اوس داسی پوښتنه کوم چی ممکن د ډیرو کسانو په زړه کی وی خو د شرم له مخی یی نشی کولای.هیله ده ما د داسی الفاظو په کارولو وبښی او راته مشرح ځواب راکړی.

دری میاشتی کیږی چی کوژده می کړی او له اختره ورسته می انشاالله واده ده،خو تراوسه له خپلی میرمنی سره می نه ملاقات شوی،نه غږیدلای یم او نه موهم سره لیدلی.

زه ډیر حیران او ورخطا یم چی په لومړی شپه څنګه یوی داسی میرمنی سره چی په ټول ژوند کی مو سره لیدلی هم نه دی(خو اوس په شرعی نکاح زما میرمن ده)په یوه کوټه کی دوه په دوه سره ملاقات وکړو او یا هم په یوه بستر کی سره یو ځای شو .

۱- له څه نه پیل وکړم…..؟

۲- کوم کارونه سرته ورسوو….؟

۳- آیا په شریعت کی د همبستر کیدا لپاره کوم ځانګړی وخت،اندازه،حد،…. ټاکل شوی او که څنګه…….؟

په مجموع کی د محمدی شریعت سره سم مونږ باید کومی کړنی سرته ورسوو؟

هیله ده زما په پوښتنه پوره پوه شوی یاست.

د تاسو د واضح او پراخ ځواب په هیله.

له تاسو نړی مننه.    نجیب الله له کابله

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ځواب

بسم الله الرحمن الرحيم

1- مستحب ده خاوند خپلې ناوکۍ بی بی ته د لطف او مهربانۍ اظهار وکړي او هغې ته څه شربت او شريني ورکړي په ليل د دې حديث شريف چې بي بي اسماء روايت کړی دی : (إني قينت عائشة لرسول الله صلي الله عليه وسلم ، ثم جئته فدعوته لجلوتها، فجاء فجلس إلي جنبها، فأتي بعس لبن، فشرب ثم ناولها النبي صلي الله عليه وسلم  فخفضت رأسها و استحيت، قالت أسماء : فانتهرتها و قلت لها، خذي من يد النبي صلي الله عليه وسلم  قالت : فأخذت فشربت شيئا)( 13380 – مجمع الزوائد ومنبع الفوائد- 8312 – آداب الزفاف في السنة المطهرة  شيخ الباني ) .

بی بی اسماء رضی الله عنها وايي : بی بی عائشه رضی الله عنها مې د رسول الله صلی الله عليه وسلم  د پاره ښايسته او مزينه کړه بيا رسول الله صلی الله عليه وسلم ته ورغلو ، وروسته د شيدو يو لوی لوښی راوړل شو ، رسول الله صلی الله عليه وسلم  له هغه نه څه خوراک وکړ او بي بي عائشې ته يې ورکړ عائشې بې بې د حيا له وجې سر کښته کړ ، اسماء بی بی وايي : هغې په سر داد وهلو او ور ته ومې ويل لوښی له رسول الله صلی الله عليه وسلم  نه واخله . اسماء وايي : عائشی بی بی لوښی واخيست او له هغه څخه يې يو اندازه و څښلې .

2- د واده د اولې شپې بل سنت دا دی چې خاوند به د خپلې بی بی په تندې لاس ونيسي بسم الله  به ووايي د برکت دعا به وکړي  لکه په لاندې حديث شريف کې :

اللهم إني أسألک من خيرها وخير ما جبلتها عليه، و أعوذ بک من شرها و شر ما جبلتها عليه) ابن ماجه (1918/617/1). يعنې : ای الله جل جلا له  ! زه له تا څخه د هغې خير او هغه څه چې په هغې کې دې پيدا کړي خير غواړم ، او پر تا باندې پنا غواړم له شره د هغې او شر د هغه څه چې په هغې کې پيدا کړی دي پنا غواړم .

3- سنت دی چې د جماع يا کورواله په وخت کې ووايي : ‏«بِسْمِ اللهِ، اللَّهُمَّ جَنِّبْنَا الشَّيْطَانَ، وَجَنِّبِ الشَّيْطَانَ مَا رَزَقْتَنَا» بسم الله . ای الله ! ما د شيطان له شر څخه وساتې ، او هغه اولاد چې ما ته يې راکوې د شيطان له شره وساتې ، رسول الله صلی الله عليه وسلم  فرمايي (فإن قضي بينهما ولد لن يضره الشيطان أبدا)  که له هغوی دواړو څخه بچی پيدا شي شيطان به هيڅکله هم هغوی ته ضرر ونه رسوي ، متفق عليه .

د واده يا نکاح کولو يو هدف دا دی چې دواړه خاوند او ښځه پاکدامه پاتې شي او هيڅکله هم د حرامو طرف ته متوجه نشي چې په دې صورت کې جماع يا له خپلې بی بی سره کورواله کول يو صدقه ده په دليل د لاندې حديث شريف :

(أن ناسا من أصحاب النبي صلي الله عليه وسلم  قالوا للنبي صلي الله عليه وسلم  : يا رسول الله، ذهب أهل الدثوربالأجور، يصلون کما نصلي، و يصومون کما نصوم، و يتصدقون بفضول أموالهم، قال : أوليس قد جعل الله لکم ما تصدقون؟ إن بکل تسبيحة صدقة، و بکل تکبيرة صدقة، و بکل تهليلة صدقة، و بکل تحميدة صدقة، و أمر بالمعروف صدقة، ونهي عن منکر صدقة، و في بضع أحدکم صدقة، قالوا يا رسول الله أياتي أحدنا شهوته و يکون له فيها أجر؟! قال : أرأيتم لووضعها في حرام أکان عليها وزر؟ فکذلک إذا وضعها في الحلا کان له أجر) رواه مسلم

ژباړه : صحابه کرامو جناب نبی کريم صلی الله عليه وسلم ته وويل : ای رسول الله صلی الله عليه وسلم  ! مالداره خلک ډير اجر او ثواب تر لاسه کوي ، ځکه چې هغوی زمونږ په شان لمونځ کوي ، روژه نيسي ، او علاوه له هغه څخه د خلپو مالونو صدقه ورکوي . رسول الله صلی الله عليه وسلم  وفرمايل : ايا الله جل جلا له  تاسې ته داسې شي نه دي در کړي چې په هغه سره صدقه ورکړئ ؟ هر سبحان الله ، الله اکبر ، لااله الا الله  او الحمدلله چې وايئ د تاسې د پاره صدقه حسابيږي ، په ښو کارونو امر او له بدو کارونو منع کول صدقه ده ، او خپلو ښځو سره يو ځای کيدل صدقه ده . ويي ويل : يا رسول الله صلی الله عليه وسلم  ايا د مونږ نه چې څوک شهوت پوره کوي د هغه  د پاره هم اجر او ثواب دی ؟ ويي وفرمايل : مګر کله چې څوک خپل شهوت د حرامې لارې پوره کوي ګناهکاريږي ؟ پس په همدې ترتيب که هغه له حلالې لارې پوره کړي د اجر او ثواب مستحق ګرځي . کتاب اداب الزفاف علامه الباني .

د کورواله يا مباشرت نور آداب دلته وګورئ .

……………………………………………………………………

د آخرني سوال په ارتباط چې آیا په شریعت کی د همبستر کیدا لپاره کوم ځانګړی وخت،اندازه،حد،…. ټاکل شوی او که څنګه…….؟

دا چې په اول شپه جماع و شي او که نه يا جماع څه وخت وشي څو ځله وشي په دې اړه د شريعت څه نص او دليل نشته ځکه چې دا د خلکو په عاداتو ، احوالو پورې اړه لري چې د خلکو عادات او خواص مختلف دي .

يعنې په اسلامې شريعت کې د جماع وخت او شميره نه ده تعين شوی . فتح الباري ،موقع الاسلام السوال جواب .

ښځه سره جماع کول د ښځې حق دی : وقد أخرج الإمام البخاري عن عبد الله بن عمرو بن العاص قال : قال رسول الله صلى الله عليه وسلم : ( يا عبد الله ألم أُخبر أنك تصوم النهار وتقوم الليل ؟ قلت : بلى يا رسول الله . قال : فلا تفعل . صم وأفطر ، قم ونم ، فإن لجسدك عليك حقاً ، وإن لعينك عليك حقاً وإن لزوجتك عليك حقاً ) . جاء في شرح الحديث : ” لا ينبغي للزوج أن يجهد نفسه في العبادة حتى يضعف عن القيام بحقها من جماع واكتساب .

رسول الله صلی الله عليه وسلم  فرمايي : ای عبدالله ! ما ته خبر راکړه چې ايا ته د شپې نفلي لمونځونه کوي او د ورځې روژه نيسي ؟ ويي ويل هو يا رسول الله صلی الله عليه وسلم  . ويي فرمايل : نو ته داسې کوې . روژه او د هغې افطار کول ، ولاړه او خوب ، پس ستا بدن پر تا باندې حق لري ستا سترګې په تا باندې حق لري او ستا ښځه په تا باندې حق لري . په شرح ددې حديث کې راغلی دي : چې خاوند د پاره دا نه ښايي چې په عبادت کې دومره ځان ستړی کړي چې د جماع توان له لاسه ورکړي ځکه چې دا د ښځي حق دی .

و الله اعلم

آن لاين اسلامې لارښود

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: