د پلار او اولاد د شرکت بيان

د ان لاین د اسلامی لارښود ټولو محترم کارکونکو اسلام علیکم ورحمت الله وبرکاته.
محترمآ: زما سوال د ورونو په منځ کی د جایداد د تقسیم په اړه دی: صورت د مسلی به داسی درته بیان کړم خدای ج دی وکړی چه سم وضاحت درته در کړای شم.
پلار فوت شویدی او د پلار نه پاتی میراث تقسیم شوی ندی. د پلار د فوت نه بعد ورونه سره څو کاله په یو کور کی اوسیدلی او خوراک او څښاک یی هم شریک دی – د ورونو ددی شریک ژوند په موده کی هر یو کار کوی او معاش اخلی او هر یو ځانته د کور لوازم او نور سامان الات اخلی – څوکال وروسته ورونه جدا کیزی او خپل خوراک او څښاک هم جدا جدا سره کوی – اوس د مال د تقسیم په صورت کی خو به د پلار څخه راپاتی جایداد د میراث د اصولو سره سم وویشی خو هغه مال چه ورونو د شریک اوسیدو به وخت کی هر چا ځانته بیل بیل اخستی نو دغه مال به څنګه کوی ایا دا به هم تقسیموی او که نه هر چا چه کوم سه اخستی دی هغه د همغی نفر دی؟
د ځواب په طمع والسلام علیکم ورحمت الله و برکاته

ځواب

بسم الله الرحمن الرحيم

که زامن د پلار سره په يوه کسب کې کار وکړي او زامنو لره څه نه وي مثلاً د پلار سره په تجارت کې کار کوي يا کوم بل کسب وي مطلب دا چې د پلار او زامنو کسب يو وي او په شريکه کار کوي نو په دې صورت زامن د پلار مددکاران بلل کيږي او ملک ټول د پلار دی ، د پلار ميراث به داولاد تر مينځ مساوي تقسيم کيږي .

( أَنْتَ وَمَالُكَ لأَبِيكَ ) رواه ابن ماجه ( 2291 ) ، وابن حبان في صحيحه ( 2 / 142 ) ، وصححه الألباني في صحيح ابن ماجه ، وروى الإمام أحمد في مسنده برقم (6863)

الاب والابن يکتسبان فی صنعة واحة ولم يکن لهما شیء فی الکسب کله للاب (الشامي ج۴ ص ۸۲

نقل في الفتاوي دارالعلوم ديوبند .او محمود الفتاوي

و في شر‌ح المجلة للآتاسي‌:

«‌اذا عمل شخص في صنعة هو ابنه الذي في عياله فجميع الكسب لذالك الشخص و ولده يعد معيناً له».(شرح المجلة للآتاسي مادة1398)

درالحکام ليکي :

په دريو شرطو د زامنو کسب د پلار ملک ګڼل کيږي : ۱- چې زامن د پلار سره په يوه کسب کې کار کوي ، ۲- د کار بار د پاره لومړې سرمايه او مال د پلار وي ۳- اولاد د پلار عيال وي د نفقي مصارف پلار تر سره کوي :

و يوجد ثلاثة شروط لاجل اعتبار ا‌لولد معيناً لابيه 1-‌اتحاد الصنعة ٢- فقدان‌ الاموال سابقاً، اذا كان للاب اموال سابقة كسبها و لم يكن معلوم للابن اموال بأن ورث من مورثه اموالاً معلومة فيعد الابن في عيال الاب ٣- ان يكون الابن‌في عيا‌ل ابيه‌»‌.(دررالحكام شرح مجلة لعلي حيدر:3/421)

او که د پلار او زامنو کسب يو نه وي زامن جلا جلا په خپله سرمايه يا کسب کار بار کوي نو بيا د پلار د ميراث به په اولاد تقسيم کيږي مګر د زامنو مال د هر يوه خپل ملک وي ،او وروڼو چې جلا جلا کار بار کوي او په کسب کار کې شريک نه وي د هر يوه ملک جلا دی په يو ځای اوسيدو سره د دوی مال نشي شريک کيدای .

د امام ابوحنيفه ، امام شافعی او امام مالک په نزد پلار ته جايزه نه ده چې اولاد له مال څخه څه واخلی مګر په قدر د ضرورت او پلار ته جايزه نه ده چې د يو زوی مال بل زوی ته ورکړي .

وقال أبو حنيفة ومالك والشافعي : ليس له أن يأخذ من مال ولده إلا بقدر حاجته ; لأن النبي صلى الله عليه وسلم قال : ( إن دماءكم وأموالكم عليكم حرام , كحرمة يومكم هذا , في شهركم هذا ) متفق عليه .
وروي أن النبي صلى الله عليه وسلم قال : ( لا يحل مال امرئ مسلم إلا عن طيب نفسه ) رواه الدارقطني ؛ ولأن ملك الابن تام على مال نفسه , فلم يجز انتزاعه منه , كالذي تعلقت به حاجته ” انتهى من “المغني” (5/395) .
( السوال الجواب رقم 118846 ) .

 

الله سبحانه وتعالی اعلم

آن لاين اسلامې لارښود

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: